конзервира (св. и несв.)
Солта се втиснала во гените
во парењето и спермата
во плазмата и солзата
во обредот и магијата
не само за да храни
ни за да конзервира
туку за да подјадува
и самата овоплотено време
да впива сѐ што ќе допре
сѐ што ќе шмркне
малку по малку, до крај!
„Ерато“
од Катица Ќулавкова
(2008)
Следното утро Рози и Кети собираа јаготки за да ги конзервираат и сѐ до попладне таа не отиде надвор на тоа место.
„Невестата на доселеникот“
од Стојан Христов
(2010)
Иронијата е присутна во деконтекстуализацијата и во нејзиното заострување (специфично место на редимејдите); заробениот случај, “конзервиран” и предизвикувачки, латентен е во програмирањето на процесот на изибрање и во случајното фаќање на случајноста.
„МАРГИНА бр. 6-7“
(1994)
Како што ниеден национален јазик не останал конзервиран и без свој развој, така ни правописот на кој било национален јазик не претставува конечно затворена книга.
„Правопис на македонскиот јазик“
од Институт за македонски јазик „Крсте Мисирков“ – Скопје
(2017)
Јас помнам многу од семејствата и луѓето со кои сум живеел во детството и мојот однос е можеби конзервиран на тој поглед од детството, а ти можеби Маказар го гледаш ем поотворено, ем покритички.
„Бунар“
од Димитар Башевски
(2001)
По таа напорна експликација, генералот ги собра капките пот од челото и ги конзервира во шамичето што му го подаде сопругата, а тој го здипли во џебот.
„Синовски татковци“
од Димитар Солев
(2006)
